MobileCamp Moscow
Bazar günü, 14 İyun, 2009 16:58
Bu gün Moskva yaxınlığında “Новый берег” adlı İstirahət kompleksində keçmiş MDB dövlətləri arasında ilk dəfə olaraq Mobil yeniliklər, Mobil İnternet və s Mobil texnologiyalar ilə əlaqədar texnologiyalara həsr edilmiş mobilecamp qeyri konfransı keçirilir.
Konfrans bir gün keçirilir. Qeyri Formatda, çadırlar-da keçirilən konfrans-da çox maraqlı mobil mövzularda çıxışlar gedir. Burada rəsmi olaraq 2 gün bundan əvvəl satışa çıxan Nokia N97-nin təqdimatı keçirildi. Çox maraqlı Telefondur. Mobil internet istifadəçiləri, sms yazanlar üçün rahat qwerty klaviaturası, touch ekranlı bu telefon çox gözəl dizayn edilib. GPS, yeni qoşulmuş OVI store APİ-ləri, çətin zəng etmək funksiyası, 5mbps kamerası, ən əsası 32 GB yaddaşı var.
Konfrans-da MTC-in Mobil İnternet-in gələcəyi, Nokia N97 və OVI store, Twitter barədə seminarlar diqqətimi çəkdi.
Konfransın sonunda Nokia N97 telefonunun müsabiqə yarışı keçiriləcək.
Mobilecamp-ın gedişatı barədə Twitter-də axtaşıda və ya mənim profilimdə izləyə bilərsiz.
PHP - 14 yaş
Çərşənbə, 10 İyun, 2009 00:34
1994-cü ildə Rasmus Lerdorf öz onlayn rezyumesindəki şablon HTML fayllar üzərində işləmək üçün Perl/GCI-də scriptlər toplusu yaradır. Lakin Perl-in funksionallığı və sürəti bu funksiyalar toplusu ilə işləmək üçün azlıq edəndə Rasmur C-də bir interpretator yazır və onun adını PHP/FI (Personal Home Page / Forms İnterpreter) qoyur.
8 İyun 1995-ci ildə (14 il bundan əvvəl) PHP/FI -nin ilk açıq relizi işıq üçü gördü.
Mənim isə PHP ilə tanışlığım 2000-ci illərdən başlayıb. 2001-də normal skriptlərimi yazmağa başlamışam. Qocalırıq 
Beləliklə PHP-ni təbrik edirəm! Başlayanların fikrində əsas OYP (OOP), az dəliklər güclü təhlükəsizlik ideyaları arzu edirəm.
Qarşıdan gələn BarCamp-lar
Bazar günü, 7 İyun, 2009 01:31
Bu günlərdə İnformasiya texnologiyaları mütəxxəsisləri, blogerlər, müasir media nümayəndələri və s. bütün İT ilə əlaqəsi olanlar üçün keçirilən BarCamp qeyri-Konfranslarının tərtib etdiyim yaydakı cədvəlini bloqumda sizlərə də çatdırıram.
Nokia MobileCamp Moscow - İyun ayının 14-ü Moskva yaxınlığında Klyazıminskiy su anbarının sahilində yerləşən “Новый берег” adlı istirahət mərkəzində keçiriləcək. 15 nəfərə yol haqqının ödəyəcəklər. Bir neçə yüz iştirakçının qatılması planlaşdırılan bu seminar Mobil İnternet, Mobil texnologilayarın inkişafı, 3G, wi-max və s Mobil ilə əlaqəli yeniliklərə həsr edilmiş qeyri-qeyri konfransdır. İlk MobileCamp 2007-ci ildə Nyu York-da keçirilmişdir. Dünyada keçirilən digər MobileCamp-lar haqqında BarCamp-ın xüsusi səhifəsində maraqlana bilərsiz. Moskvada keçirilən MobileCamp-da Nokia N97-nin təqdimatının olunması planlaşdırılır və hətta bu telefonun müsabiqədə uduşu da gözlənilir.
iCamp 2009 - Runet-in yayda keçirilən ən əsas hadisəsi olan iCamp 2009 İyul ayının 24-28 tarixlərində keçiriləcək. Hər dəfə iCamp-lar müxtəlif qeydi rəsmi mühitləri ilə hamının diqqətini cəlb edirlər. Bu dəfə “Георгий Жуков” adlı teploxodda keçiriləcək qeyri konfrans da maraqlı və gözəl formatı ilə hamını heyran qoyacağını göstərir.
NevaCamp 2009 - Rusiyada keçirilən növbəti BarCamp NevaCamp 2009-dur. Rusiyanın ən iri və gözəl şəhərlərindən biri olan Sankt-Peterburq-da İyun ayının 26-28-i tarixlərində keçirilən NevaCamp gecə ilə gündüzün eyni olduğu, ağ gecələrə düşür. Beləliklə NevaCamp-da 3 gün gecə gündüz keçiriləcək konfrans artıq öz gözəlliyi ilə diqqət mərəkəzindədir.
BarCamp Uzbekistan - Mərkəzi Asiyada keçirilən son BarCamp-dan sonra Özbəkistandan olan Blogger və proqramçılar da öz BarCamp-larının keçirilməsini planlaşdırdılar. Dəqiq vaxtını bilməsəm də saytlarının ünvanını və onların görüşləri və hazırlığı necə etmələrini izləyə bilirəm. Ətraflı məılumat toplayan kimi onlar barədə sizlərə də məlumat verəcəyəm.
BarCamp Azerbaijan - və ən sonra Azərbaycanda keçiriləcək BarCamp barədə qısa bir məlumat verim. Avqust ayının 7-9-u tarixlərinə planlaşdırılan növbəri lokal BarCamp Azərbaycanın gözəl guşələrindən biri olan Gəncə şəhərində planlaşdırılıb, odur ki bu qeyri-konfrans-in keçirilməsində bizlərə dəstək olun.
Praqa, Praqa…
Şənbə, 30 may, 2009 00:40
Bu gün (Burda ayın 29-dur: ) Praqa-da Avia muzeyə getmişdim. Muzey 1968-ci ildə yaradılmışdır. Bu muzey avropada ən iri avia muzeylərdən biridir.
Sizlərə də orda olarkən gedib bu muzeyi gəzməyi məsləhət görürəm. Həm də ki muzey pulsuzdur
Kataloq.NET və KOMPASS AZERBAIJAN
Cümə axşamı, 28 may, 2009 11:13
Bu gün 28 may Azərbaycanda Respublika günüdür. Bu münasibətlə xalqımı təbrik edirəm.
Bu gün münasibəti ilə kataloq.net saytının bloqundakı yazı diqqətimi çəkdi. saytda bir az dizayn dəyişiklikləri edilmiş və həmçinin nəhəng Ümumdünya İnformasiya Sistemi olan Kompas International standartları üzrə buraxılan KOMPASS AZERBAIJAN və Azərbaycanını Elektron Kataloqu olan Kataloq.NET resurslarını birləşdirmişdir.
Kataloq.NET-də KOMPASS AZERBAIJAN kataloqundakı 6 500-dən çox müəssisələr haqında məlumatları artıq rahatca, vərəqləri səhifələmədən internet istifadəçiləri üçün standart formada axtara bilmək imkanı yaradılıb. Bunun üçün sadəcə Kataloq.NET saytında KOMPASS bölməsini seçib axtardığınız müəssisənin adını yazıb axtarış etmək kifayətdir.
Bu cür gözəl yenilikləri, Kataloq.NET kimi digər saytlardan dagözləyirik.
Kataloq.NET haqqında. Kataloq.NET 2006-cı ildə yaranmış, məqsədi Azərbaycana aid məlumat resurslarının vahid bir verilənlər bazasında toplamaq, və azərbaycan dilli İnternet istifadəçilərinin onlardan rahat və universal şəkildə istifadə etmələrini təmin etməkdir. Bu istiqamətdə atılan ilk addım, Azərbaycanın Digital Kataloqunun yaradılmasıdır.
Mozilla Firefox 3.5 üçün reklam çarxı hazırlayıb
Cümə axşamı, 28 may, 2009 10:17
http://www.div.az/video/229/Mozilla-Firefox-35
Veb saytları gəzmək üçün yeni maşına oturmağa hazırsızmı?
Azərbaycan - Google Maps-də
Çərşənbə, 27 may, 2009 13:55
Neçə vaxtdır ki Qafqaz ölkələri google maps-da qara bir xəritə kimi göstərilirdi. Bunun səbəbini araşdırmaq üçün bir çox xəbərlər və s yayılmışdı. Biri deyirdi Rusiya ilə Gürcüstan müharibəsi, digəri bu zonaların müharibə soonrası olması ilə əlaqədar və s. Nə başnızı ağrıdım, google-da işgüzar proqramistlər var. Onlar biz söz söhbət yayan vaxtı oturub işləyiblər və bu gün BarCamp Caspian-dan tanıdığın Ihar Mahaniok-un mənə verdiyi şad xəbəri sizlərlə də bölüşdürmək istəyirəm.
Bu günlərdə google-un çox gözəl xidmətlərindən biri olan google maps-da 64 ölkə əlavə edildi. Bu ölkələr arasında təbii ki Azərbaycan da daxildir. Buna görə də artıq xəritədə google maps-dan siz Azərbaycan-ı və istədiyiniz ünvanı rahat tapa biləcəksiz. İndi isə google maps-la bağlı olan google-un 2 servisi barədə yazım.
Google Map Maker - Bu xidmət vasitəsi ilə hər bir şəxs google maps-da gördüyü səhv ünvanı (Məsələn yaşadığın üçnanı) problemsiz düzəldə bilər və ya yeni küçələr və s əlavə edə bilər. Sizlər də öz küçə və ünvanlarınızı dəqiq yaza bilərsiz. http://www.google.com/mapmaker
Google Latitude isə ən çox sevdiyim servislərdən biridir, belə ki onun köməkliyi ilə sən öz dostlarını əlavə edib, onların hal hazırda harda olmasını görə bilirsən və həmçinin də öz koordinatlarını da əlavə edirsən. http://www.google.com/latitude
Bu sevindirici xəbərə görə Ihar-a minnətdarlığımı bildirirəm, və məni latitude əlavə etmək yaddan çıxmasın microphprashad@gmail.com
DemoCamp - Poznan, Polşa (Poland)
Şənbə, 23 may, 2009 18:18
Bu postumu tez bir zamanda yazdım, ona görə də ciddifason nə isə çıxdı
Bu gün Polşada Beynəlxalq formatda keçirilən DemoCamp-ın birinci günüdür. Poznan şəhərində bir çox ölkələrdən iPhone developer-lər, Bloggerlər, Jurnalistlər, Proqramistlər-in toplaşdığı bu qeyri konfrans da digərlər BarCamp-lar kimi öz özəllikləri ilə seçilir.
Democamp-ın keçməsinin operativ nəticələrini Twitter-də izləmək olar.
Artıq bir neçə şəkil çəkib saytda yerləşdirmişik. Günün II yarısı Tanış bogerlərin təqdimatları olacaq. Sabah isə Start-up layihələrin təqdimatları olacaq. Qeyri Konfransın proqramına ətraflı olaraq burdan baxmaq olar.
DemoCamp-dan görüntülərə Mursyanın və BarCamp Caspian-ın fotoalbomlarında baxmaq olar.
Yeni dizaynda, Yeni Şəhərdə, Yeniliklərlə…
Cümə axşamı, 21 may, 2009 22:18
Artıq neçə vaxtdır ki saytda post yazmıram. Səbəblərdən biri saytı WP-ə keçirtməyim, dizaynda dəyişikliklər etməyimdir. Saytıma WP-i yükləyib HTML-nən oynayıb onu abırlı vidə saldığına görə adaşıma təşəkkürümü bildirirəm. Bundan sonra çalışacağam ki mütəmmadı olaraq saytımı yeniləyim, ona görə də tərəddüd etmədən RSS-imə abunə ola bilərsiz. Hal hazırda bu post yazımı Praqada olarkən yazıram. Praqa, Çex Respublikasının paytaxtıdır. Çox qədmi şəhərdir, gəzdikcə elə gəzmək istəyirsən. Hər tərəfdə turistlər doludur. Tarixi yerləri gəzmək istəyirsinizsə bu şəhərə gəlməyi məsləhət bilirəm. Son 2-3 gün ərzində gördüklərimi çəkmişəm.
Çex əhalisi əylənməyi çox sevirlər.
İlk günlərdə gördüyüm maraqli hallardan biri “Zombee Walking” oldu. Belə ki gənclər özlərini Zombi halına salıb Meydana toplaşıb, təyin edilmiş vaxtda Zombi kimi şəhərin küçələrini gəzməyə başladılar. Çox maraqlı bir mənzərə idi, müxtəlif Zombilər, birinin əlində bıçaq, birinin qarnında qayçı, digəri maşın sükanı ilə gedir və s.
Vişeqrad adlanan yerdə çox şəkil çəkə bilmədim (yadımdan yıxılmışdı). Orda da əhali Çex tarixi musiqisinin ifaları altında müxtəlif rəqslər edir, asudə vaxtlarını çox gözəl keçirdirdilər.
Daha bir maraqlı mənzərələrdən biri Oynayan Ev idi, binanın yeni olmasına baxmayaraq artıq turistlərin marağına səbəb olan görüntülərdən biri adına layiq olub.
Növbəti günü Zooparka getdim, Almaniyada olarkən Yalnız zooparkın Akvarium hissəsini gəzə bilmişdimsə Praqada bütün bir günümü zooparkı gəzməyə həsr etdim.
Bu gün isə Tarixi yerlərdən biri olan Karlşteyn qəsrinə getdim. İçəridə şəkil çəkməyə qadağan olduğu üçün gizlincə 1-2 şəkil şəkdim
Sabah İnşaAllah Polşaya (Poznan) DemoCamp-a gedəcəyəm. Orda gördüklərim, eşitdiklərim, öyrəndiklərim haqqında növbəti postlarımda yazacağam.
Milyarder…
Çərşənbə axşamı, 10 mart, 2009 08:41
Bu gün təsadüfən ANS Press-in saytında Azərbaycanlı iş adamı olan Mübariz Mənsimov-un ən varlılar arasında olması barədə məlumat oxudum. Sonra isə maklayaqın bu barədə olan fikrinə də baxdım ki Azərbaycanlı cavan iş adamı milyarderlər sırasındadır (40 yaşında cavan).
Amma ki artıq Mübariz Mənsimov Azərbaycan vətəndaşı deyil və Forbes jurnalında 1.3 Milyard dolları ilə 897-ci yerdə olması bizim üçün yox Türkiyə üçün yaxşıdır ki forbes-də onların ölkəsinin Milyarderlərii çoxalır, amma Azərbaycandan isə 1 nəfərin də adı yoxdur. Budan başqa dünya milyarderləri arasında olan 13 milyard dolları ilə 56-cı yerdə olan Vahid Ələkbərov heç belə açıqlamalar gözə dəymir