Son günlər Seminar, Konfrans, Treninqlər barədə məqalələr yazıram. Bu dəfə bir az WEB (əsasən də PHP) proqramçılar üçün lazımi alətlər haqqında yazmağı düşündüm. Dünən Adil bizdə idi, Ajax səhifələr-də load olunarkən çıxan indikator barədə danışdı və onları axtardığını dedi. Mən də eləmə tənbəllik axşam başladım axtarmağa. 1-2 maraqlı link çıxdı qarşıma www.ajaxload.info saytı, çox gözəldir. İstədiyin növ formanı və rəngini seçirsən sonra qəbul edəndən sonra onun görüşününə baxıb yükləyə bilərsən. http://mentalized.net/activity-indicators/ ünvanında isə bəzi dizaynerlərin düzəltdikləri indikatorlar və saytlarının ünvanları qeyd edilib.

Sonra isə PHP proqramçılar üçün daha bir maraqlı proqram haqqında danışım. Demək belə, yəqin ki çoxlarınız mənim kimi PHP-ni editorlarda yazırlar. Əsasən də EmEditor PHP-nin xüsusi Visual Basic kimi Visual redaktoru olması barədə məlumatı yoxdur. Belə ki bu yaxınlarda Delphi özünün xüsusi Delphi For PHP paketini hazırlayıb istifadəçilərə verib. Bu sistemdə çox imkanlar var, mən hardansa onun crackini tapmışdım. Əgər kimə isə lazım olsa xəbər eləsin kompüteri qordalayıb onu saytda qoyum yükləyin. Hələlik isə proqram haqqında burdan oxuya bilərsiz. http://delphiforphp.ru/

Dünən 22 İyul, Azərbaycanda WAP və inkişafı mövzusunda seminar oldu. Məruzəmin uğurlu alınıb alınmamasını dinləyicilər deyə bilər. Özüm onu deyə bilərəm ki çox səs-küyə səbəb oldu bu seminar, maraqlı müzakirələr gedirdi. Press reliz və şəkilləri yaxın günlərdə yerləşdirərik. İndi isə Seminara gələ bilməyənlər üçün təqdimatın faylını yerləşdirirəm.

Yüklə

BarKamp Azərbaycan 2008-in şəbəkəsində qərara gəldik ki MiniBarlarımızın formatını bir az dəyişək. Ona görə də növbəti MiniBar-ımız haqqında elan verdik.
22 iyul, saat 16:00-da “BarKamp Azərbaycan 2008″ qeyri-kofransına hazırlıq çərçivəsində təşkl edilmiş növbəti MiniBar olacaq.
Yeni formatda təşkil edilmiş MiniBar-da BarKamp haqqında məlumatdan başqa hər hansı bir mövzu haqqında seminar olacaq.

Mövzu: Azərbaycanda WAP və inkişafı

Seminarın planı:

• mobil İnternet və wap
• mobil internet istifadəçiləri
• mobil saytlar
• mobil operatorlarda vəziyyət
• azərbaycanda wap-dan qazanc
• dünya praktikası

Məruzəçi: Rəşad Əliyev

Ünvan: “RİA Novosti” agentlyinin zalı (Bəşir Səfəroğlu küç. 195)

Əlaqə:

(+994 50) 6482737
rashad_a@barcamp.az
www.barcamp.az

Düzdür treninqdə özüm iştirak edə bilmədim, amma ki Osman müıllimlə əlaqə saxladım dedi gözəl alınıb. Qısmət olsa növbəti treninqlərdə iştirak edəcəyəm.

Bu gün Multimedia Mərkəzi tərəfindən “Jurnalistlərin İKT bacarıqlarının artırılmasına dəstək”Layihəsi çərçivəsində təşkil olunan Treninqlərə start verilib.
Treninqlərdə müxtəlif KİV-lərdə çalışan jurnalistlər və jurnalist-tələbələr iştirak edəcək.
Layihənin rəhbəri Osman Gündüz Layihə haqqında və Layihə çərçivəsində keçiriləcək məşğələlərin mövzuları və Trenerlər haqqında Jurnalistlərə məlumat verib. O, Layihənin əsas məqsədinin jurnalistlərin peşəkarlığının artırılmasına köməklik göstərmək, İnformasiya Cəmiyyətinin tələblərinə cavab verən jurnalistlər hazırlamaq, media subyektlərinin fəaliyyətini müasir tələblər baxımından təkmilləşdirmək üçün metodiki–informasiya dəstəyi verməkdən ibarət olduğunu qeyd edib.
Mətbuat Şurasının sədr müavini Umud Rəhimli , BDU –nun Mətbuat Tarixi kafedrasının müdiri Cahangir Məmmədli və ekspert Azər Həsrət çıxış edərək Jurnalistlərin peşəkarlığı üçün İKT bacarıqlarına malik olmağın mühüm əhəmiyyət kəsb etdiyini bildiriblər və onlara Treninqlərdə uğurlar arzulayıblar.
İlk məşğələmin mövzusu “İnternetdə axtarış. Azərbaycan dilində axtarış. Müxtəlif axtarış proqramları. Şəkil və digər müxtəlif formatlı informasiyaların axtarışı. Saytların qeydiyyatı. Kataloqlar. Jurnalistlər üçün internet resurslar “ haqında olub . Meqa şirkətinin təmsilçisi Qabil Qasımov vəı Zabil Ibayevin mövzu ilə bağlı təqdimatları olub. Treninq iştirakçılarını maraqlandıran çoxsaylı sualları nəzərə alınmaqla praktiki nümunələr təqdim olunub.
Növbəti Treninqlərdə Jurnalistlərin İKT ilə bağlı bacarıqlarının təkmilləşdirilməsi istiqamətində digər mövzular ətrafında məşğələlər keçiriləcək.
Layihə çərçivəsində cari ilin sonunadək keçirilməsi nəzərdə tutulan treninqlərdə 60-dək Jurnalist iştirak edəcək. Həmçinin Layihə çərçivəsində İKT-dən yazan Jurnalistlərin şəbəkəsinin yaradılması , İKT ilə bağlı Jurnalistlər üçün metodiki vəsaitin hazırlanması və İnformasiya Cəmiyyətində medianın rolu ilə bağlı ictimai diskussiyaların təşkili nəzərdə tutulub.

Layihə İREX təşkilatı tərəfindən dəstəklənib.

Bu yay nə isə seminar və treninqlərlə zəngindir. Jurnalistlərin İKT hazırlığının inkişaf etdirilməsi məqsədilə təşkil olunan treninqlərin mövzuları artıq hazırlanıb.

Mövzuları sizə təqdim edirəm.

• 19 iyul 2008 (bu gün:)
  İnternetdə axtarış. Azərbaycan dilində axtarış. Müxtəlif axtarış proqramları. Şəkil və digər müxtəlif formatlı informasiyaların axtarışı.
  Saytların qeydiyyatı. Kataloqlar. Jurnalistlər üçün internet resurslar.
  Qabil Qasımov – Meqa şirkəti

• 26 iyun 2008
  İnformasiya mübadiləsi proqramları. E-mail. Messengerlər. Audio və video konfrans. Audio və video fayllarla iş. Audio və video faylların internetdə yerləşdirilməsi.
  Vahid Qasımov – Sahil İT

• 02 avqust 2008
  Bloqlar və onların yaradılması. Bloqların yeniləşdirilməsi. Bloq sistemləri.
  Bloqların reklamı. RSS. Anonimlik. Sosial resurslar və onlardan istifadə qaydaları.
  Emin Hüseynzadə – ekspert (Blogger)

• 09 avqust 2008
  Elekron xidmətlər. Online ödəmə. Elektron sorgular. Elektron ticarət. Elektron formada alqı-satqı əməliyyatlarının icrası. İnternet bankinq.
  Fərid İsmayılzadə – Silverkey.az

• 16 avqust 2008
  Kompüterlərdə və internetdə təhlükəsizlik. Viruslar və antiviruslar. Antivirusun yeniləşdirilməsi. Viruslardan və haker hücumlarından müdafiə üsulları. Spamlarla mübarizə. Antişpion proqramlardan istifadə.
  Emin Hüseynov – Ekspert (ilk10.az)

• 23 avqust 2008
  Mobil internet. Mobil resurslardan effektiv istifadə qaydaları. Wap resurslar. WAP xəbər saytları. WAP –dan jurnalistikada istifadə.
  Mobil telefonla xəbər axtarışı. Mobil təhlükəsizlik.
  Rəşad Əliyev – wap.xana.az

Bu yaxınlarda Multimedia Mərkəzindən Wap ilə əlaqədar treninqi aparmaq barədə bir təklif aldım və bu gün artıq mənə xəbər verdilər ki artıq treninqlər başlayır. Proqramı ətraflı olaraq bu yaxınlarda sizlərə təqdim edəcəyəm. İndi istə treninq haqqında qısa bir məlumat.
Treninqlərdə media sahəsində ( qəzet, Agentlik, TV və radio, informasiya saytı və s.) çalışan jurnalistlər və jurnalist-tələbələr iştirak edə bilərlər.
Treninqlər İnformasiya Cəmiyyətinin formalaşması və onun xüsusiyyətlərini əks etdirən, eyni zamanda Jurnalistlərin maraq dairələri nəzərə alınmaqla hazırlanan xüsusi Proqram əsasında keçiriləcək.
Bir qrup üzrə 12 Treninqin keçirilməsi nəzərdə tutulur.
Məşğələlər ölkədə İKT sahəsində bacarıqlı mütəxəssislər və ekspertlər tərəfindən aparılacaq.
Treninqlərdə iştirak etmək istəyənlər üçün kompüter və informasiya texnologiyaları sahəsində elementar biliklərə sahib olmaq tələb olunur.
Treninqlər şənbə günü saat 11.00 – 14.00- dək keçiriləcək.

Treninqlərin təxmini mövzusu

1. İnternetdə səmərəli axtarış üsulları. Az dilində axtarış. Axtarış saytlarında qeydiyyat. Sadə İnternet saytlarının və Bloqların yaradılması və istifadə qaydaları. Sosial resurslardan istifadə qaydaları.
2. İnformasiya mübadiləsi proqramları ilə işləmək qaydaları ( Mail Proqramları, Skype, Win Messencer və. s)
3. Dizayn, Tərtibat, Foto-dizayn proqramları ilə işləmək qaydaları , Qəzet tərtibatı ( Quark Express, Adobe Fotoshop, və.s.
4. Prezentasiyaların hazırlanması,
5. Kompüterdə ve İnternetdə tehlükəsizlik. Viruslar və antiviruslar, Spamlarla mübarizə.
6. Mobil internet. Wap saytlarla iş. Mobil telefon və kompüterin inteqrasiyası. Mobil təhlükəsizlik.
7. İnternetdə radio ve TV. Audio və video fayllar üzərində iş
8. İnternetdə rəsmi saytlar. Internetdə açiqlanması məcburi informasiyalar. Rəsmi informasiyaların əldə olunması.
9. Internetdə elektron və interaktiv xidmərtlər .Elektron hökumət. Online sorğular. Elektron səsvermə.

Treninqlərdə iştirak etmək istəyənlər qabaqcadan qeydiyyatdan keçməlidirlər. Yerlərin sayı məhduddur.
İştirak etmək istəyənlər aşağıdakı ünvana müraciət edə bilərlər.

Multimedia Mərkəzi
Xəyalə Mustafayeva
AZ1001, Bakı, M. Əfəndiyev k. 5
Tel. 492 44 44.
www.cit.az
multimedia@cit.az

BarCamp Central Asia 2008, 1-3 Avqust-da Qırğızıstanın paytaxtı Bişkek-də keçiriləcək. Azərbaycandan da iştirakçıların orda iştirak etməsi planlaşdırılıb. Odur ki əgər sən də Bişkekə gedib qeyri konfransda iştirak etmək, yeni dostlar tapmaq, xarici şirkətlərlə əlaqələr qurmaq istəyirsənsə onda aktiv iştirakçı ol və növbəti mərhələləri keç.
BarCamp Central Asia 2008 haqqında ətraflı olaraq şəbəkəmizdən (http://network.barcamp.az ) və ya http://barcampasia.net saytında məlumat ala bilərsiniz.

BarCamp Central Asia 2008-ə getmək üçün əsas şərtlər.
1) İştirak etmək istəyənin aktiv saytı və ya bloqu olmalıdır.
2) Saytda (və ya bloqda) bu bannerlərdən birini yerləşdirməlidir.
Azərbaycan dilində: http://barcampasia.net/wp-content/uploads/2008/04/barcamp_aze_1.jpg
Digər: http://barcampasia.net/bannery/
3) Təqdim edəcəyi Prezentasiyası olmalıdır. Prezentasiyasız heç bir iştirakçı seçilmək barədə fikirləşməsin.

I mərhələdə.
İştirak etmək istəyənlər, (1) CV, (2) internet layihələrinin ünvanını, (3) təqdimatlarının mövzu və qısa təsvirini aşağıda göstərilmiş e-poçt ünvanına göndərmələri xahiş olunur.

II mərhələdə.
Seçilib növbəti II keçənlər Təqdimatlarını təqdim etməlidirlər.

Əlaqə vasitəsi.
BarCamp Central Asia 2008-in Azərbaycan üzrə səfiri Rəşad Əliyev,
E-poçt: rashad@aliev.info
Mob: +994 50 6482737

Unikal BarCamp Caucause 2008 beynəlxalq konfrans Tiflisdə iyunun 7-8 keçiriləcək. Qafqaz ərazisində bloq, İT və Yeni KİV sahəsində belə geniş miqyaslı ilk tədbir olacaq. Konfrans Qafqazın və MDB-nin bir çox interaktiv və ənənəvi KİV-lərində geniş yayılacaq və rezonans qazanacaq.
İştirakçılar – İT-mühit işləyib hazırlayan liderlər, sabit oxuyucu auditoriyası olan saytların yaradıcıları və sahibləridir, bloqçular, internetlə maraqlananlar və istifadəçilərdir. BarCamp Caucasus 2008-in işinin ayrıca bir istiqaməti İT-texnologiyalarının yeni fəal istifadəçilərinin cəlb olunması, onların bu sahədə tendensiyalar və son işlərlə tanışlığı olacaq.
İndiyədək Azərbaycanda Barcamplarda yalnız 5 nəfər iştirak edib. Bu dəfəki Tiflisdəki Barcamp-da danışıqlar nəticəsində daha çox adamın iştirakı planlaşdırılıb. Barcamp Azərbaycan (www.barcamp.az) təşkilatçılığı ilə keçirilən bir sıra tədbirlər, seminarlar, Bakı və digər şəhərlərdəki təqdimatlar, xarici ekspertlərin dəvət olunması və s. işlərin görülməsi nəticəsində tədbirin təşkilatçıları Azərbaycandan ən azı 20 nəfərin (çox da ola bilər!) iştirakına zəmanət verir. İştirakçıların əksəriyyətinə yol pulu veriləcək. Yolpulu tədbir zamanı paylanacaq.

Yol qrantı almaq üçün nə etməli?

Bunun iki yolu var. Birincisi – Barcamp Caucasus zamanı prezentasiya (təqdimat) keçirmək. www.barcamp-kavkaz.org saytında qeydiyyatdan keçin, daha sonra Mikheil Japaridze (konfransın koordinatoru) j.misho@gmail.com emailina prezentasiyanızın mövzusunu, özünüz haqqında məlumatı rusca və ya ingiliscə göndərin. Bunun üçün çox az vaxtınız var. Mayın 16-sı son gündür. Sona saxlamayın! Cavablar 19-u bildiriləcək.
İkinci variant: Barcamp Caucasus-un Azərbaycan üzrə səfiri Emin Hüseynzadə-yə (emin@barcamp.az) özünüz haqqınızda və gördüyünüz işlər, maraqlarınız haqqında (maksimum 200 söz) yazın. CV-nizi də əlavə etməyi unutmayın. Cavablar Mayın 25-nə qədər veriləcək.
Unutmayın: Tiflisdə 1 gün qalmaqla bağlı bütün suallarınızı www.barcamp.az və www.barcamp-kavkaz.org saytına yönəldin. Həmçinin Mixeil Caparidzeyə də göndərə bilərsiniz. Tiflisdəki iştirak üçün xarici pasportunuz olmalıdır!
BarCamp Caucasushaqda məlumat: Bura işştirakçılar bu ölkələrdən/regionlardan gələcəklər: Qafqaz, Orta Asiya (Qazaxıstan, Qırğızıstan, Özbəkistan), Pribaltika (Latviya, Litva, Estoniya), Rusiya, Ukrayna, Belorusiya. Bununla belə, BarCamp Caucasus-da arzu edən istənilən şəxs iştirak edə bilər; Kiyevdə (2007-ci il) və Riqada (fevral – 2008-ci il) əvvəlki tədbirlərin təcrübəsi göstərir ki, iştirakçılar arasında İT-mütəxəssislər və Aİ ölkələri və ABŞ-dan bloqqerlər də olub.
BarCamp-ın fəaliyyəti haqqında informasiya Yeni KİV vasitəsilə (fərdi və qrup bloqları, sosial şəbəkələr, forumlar və s.) Qafqaz regionunda və MDB və Pribaltika ölkələrində, həmçinin Avropa və ingilisdilli bloq-mühitdə yayılır.

Son zamanlar hamımız Dünyada İnformasiya Texnologiyalarının necə inkişaf etdiyinin şahidi olmuşuq. Bu bizimkilərin də yanından vaz keçməyib. Məqalələrimin birində Rafiqin etdiyi tənbehi nəzərə alıb hətta gedib ADSL də aldım ki görüm bu dünyada nələr var, o dəqiqə də facebook xəstəsi oldum. Heç düşmənimə də arzu etmirəm bu xəstəliyi. Əlimdə işlərim qala-qala oturub Sosial Şəbəkədə dostlarımla bir qrupda vaxt keçirdirəm. Düzdür dostları yada salmaq lazımdır, amma ki day həmişə də yox da, işlər bəs?
Nə isə bütün bunlar bir yana, keçək yeniliklərimizi. Son vaxtlar Bizdə də Blogginq, vətəndaş jurnalistikası inkişaf edib. Düzdür çox da sürətlə yox, amma ki inkişaf var. Tanıdıqlarımdan oxatan, blogran, blog.ilk10.az, blog.box.az. Burada Azəribloqun əvəzsiz rolundan danışmamaq olmur. Azəri Marketoloqlar arasında da blogginq inkşaf edib bunlardan mak.az saytının daimi üzvləri olan Rüstəmin, KİSSOT, Milli Marketinq, Shared Folders, Marketing Post, imho əvəzsiz rolları var. Bloq saytlarını saysam sonu bitməyəcək. Bəs bunları bir araya necə gətirək?
Bu məqsədlə də təkcə bloggerləri deyil, WAP-er, Sosial Şəbəkəçi, Veb Proqramçılar və bütün yeni texnologiya həvəskarlarını bir yerə toplamaq məqsədi ilə artıq BarCamp Azərbaycan təşkilatı fəaliyyətə başlayıb. İlk ən böyük seminarlarını 29-31 avqust tarixində Lənkəranda keçirilməsini planlaşdırıblar. Soruşduqda ki niyə bəs Lənkəran, cavab belə oldu ki kifayətdir hər yenilikləri Bakıda etdik, qoy bir az da bölgələrimiz inkişaf eləsin.
Bu BarCamp Dünyada 2005-ci ildə yaranmasına baxmayaraq bu tərəflərə 2007-ci ildən gəlib. İlk dəfə Ukraynada BlogCamp, Sonda bu il Latviyada BarCamp Baltics adı ilə, İyun ayının 7-9-u Tiflisdə BarCamp Qafqaz, Sonra Moskva, Bişkekdə keçiriləcək.
BarCamp Azərbaycanın ( seminar lokal keçiriləcək ) isə ilk olaraq Lənkəranda keçirilməsinin səbəblərindən biri odur ki gənc Mütəxəssislərimizi gələn il Azərbaycanda keçirtməyi planlaşdırdığımız BarCamp Qafqaza hazırlayaq. Odur ki siz də aktiv olun ki dafa sürətlə inkişaf edək.
Mən BarCamp Azərbaycana gedəcəyəm, Bəs siz necə – BarCamp Azərbaycana gedəcəksiz?

Fevral ayının məqaləsini indi yazmağı qərara aldım. Fevralı ayının 8-10-u Riqa-da BarCamp Baltıcs 2008 adlı sosial şəbəkələr, bloqlar, yeni media, podkastlar, vətəndaş jurnalistikası, web 2.0, openSource və s. bununla əlaqədar Qeyri Konferensiya keçirildi. Biz də orda iştirak etdik. İlk dəfə olduğumuz üçün çox maraqlı idi. Orda hamının bloqu var idi (Bura gələndən sonra mən də bloq açdım uje : ) Azərbaycandan Emin Hüseynov, Rəşad Mehbalıyev, Elmar İsmayılov, İlqar Mirzə və mən (Rəşad Əliyev) iştirak edirdik.
Konferensiyanın çox maraqlı qaydaları var idi. Belə ki iştirak edənlər həm də təşkilatçı kimi idilər, hərə özü bildiyi kimi Qeydi Konferensiyanın maraqlı olması üçün əlindən gələni edirdi, kimi şəkil çəkir, kimi müsahibə götürür, kimi video çəkir və s. Əsas odur ki boş dayanmayasan.
Seminarın I günü Konferensiyanın qeyri rəsmi açılışı idi. Oynadıq, digər ölkələrdən gələn iştirakçılarla tanış olduq və s, günümüzü maraqlı keçirtdik. Sabahısı günü Qeyri Konbferensiyanın rəsmi açılışı və Prezentasiyalar günü idi. İxtiyarımızda 6 zal var idi, və proqramda kim çıxış edəcəkdisə öz adını qeyd edirdi. Bizlərdən Rəşad Mehbalıyev mail qruplar haqda mən isə Mobil Reklam barədə çıxış etdik. Mənim çıxışım üçün hazırladığım faylı burdan yükləyə bilərsiniz (yüklə).
II gün (10-u) Qeyri Konferensiyanın son günü idi. Burada BarCamp-i təşkil etmək barədə və PeÇa kuça keçirildi. PeçaKuça bilməyənlər üçün (heç özüm də bilmirdim) qısa izah edirəm. Bu yeni təqdimat növüdür 2003-cü ildə yaradılıb, 20×20 prinsipi ilə aparılır, yəni ki 20 prezentasiya və hərəsinə 20 saniyə vaxt verilir.
Beləcə BarCamp haqda qısa yazdım. Ətraflı olaraq isə sizləri bu il keçiriləcək lokal BarCamp Azərbaycan-da gözləyəcəyik.